لأول مره اتجرأ و اقوم بمحاولات شبه شعرية اقرب منها الى المكرونية ....
في اطار رباعيات خفيفة ... و ذلك باستحضار روح عمنا جاهين _رحمه الله
...
------------------------------------------------------------------------------
المحاولة الأولى
عصفور حزين
يوم كدا عديت لقيت تحت شجره عصفور حزين
...
قربت منه قات طار .. قربت اكتر اتاري جناحية مكسورين
...
بصيت بيأس و قلت: بكره راح يصير فيك ايه يا عاجز ؟
...
ابتسم و قال:يابن آدم ..هما اليومين و تشوفهم من تاني مرفرفين
...
عجبي
------------------------------------------------------------------------------------
المحاولة الثانية
ضهر يحميه
فكرت فللي ملوش ضهر يحميه
...
و فزماننا اللي حامية هو هو حراميه
...
ضعيف غلبان و قوي بيستقوى من ضعف الجبان
...
قانون لغابة و الظلم بقى هو الحق فيه
...
عجبي
----------------------------------------------------------------------------------
المحاولة الثالثة
قصة كل البشر
حكاية تحكي قصة كل البشر
...
قصة موت و حياة قصة خوف انتشر
...
و مايخاف ابن آدم الا من المجهول
...
و كيف يجهل نهاية مئات ملايين البشر
...
عجبي
