محاولات شبه شعرية 3

جوايا شمس لحلمي و نارها هي النور
.
حوليا عتمة ليل على ألف سور ورا سور
.
لو اقعد ... بنار شمسي انا اتحرق
.
لو اجري ... بباني تتكسر و ينطلء نور

-----------------------------------------------

إززاي و ليه و مين و ميت مليون سؤال
.
عقلك يطوف يدوّر يشوف إجابه ع اللي إتقال
.
تفتح ببان وراها يبان بحر و شجر و جبال
.
تلقى هِناك حيرتك هَناك و تلقى الإجابه تجيبلك سؤال

---------------------------------------------

انا قلبي كان قطة و نطة في بير سلم

.

تسمع ساعات صوت تهرب ماتتكلم

.

تجري تستخبه حبه تخاف لتبان

.

يا قلبي ليه خفت؟..قال شفت الكتير اتألم

و عجبي!

فيسبوكيات 9

‎"السلطة الأبوية للحاكم" التي فلسفها السادات ب "كبير العيله"!!!
فكرة خبيثة تجعل من الحاكم قدرا أبديا على شعبه .... فمحدش بيغير أبوه!!! و العقوق تهمه جاهزه لمن تسول له نفسه ....... !!!

هذه فكرة تعود بالمجتمع إلى"ما قبل الدولة"!! ... إلى عصور القبيلة !

فلتذهب تلك الأفكار إلى مزبلة التاريخ

الحاكم موظف .. انسان عادي .. ليس بالخارق أو بالنصف إله ... ليه وظيفه بيقوم بيها يخلصها و يتكل على الله و يجي سيد سيده !!

May 3 at 10:30pm via Mobile Web · · ·

من دلوقتي . . . . . الأحزاب ع الدواق

May 4 at 3:38pm · · ·

مش همشي مع الموجه و هقول : اصل السلفيين عملوا .. اصل المسيحيين عملوا .....
لامؤاخذه الاتنين بيتعمل فيهم !!

May 8 at 6:13pm · · ·

الى كل كارهي "الثورة" و محبي "الشماته"

أظن الوقت مناسب!

May 8 at 7:22pm · · ·
تعليقا على احداث فتنة امبابة !!

‎"تعصب" ل (أنا) + "جهل" ب (إحنا) + "مؤامرة" من (همّ) = فتنه للبلد كلها !!!

May 9 at 11:43am via Mobile Web · · ·
تعليقا على احداث فتنة امبابة

‎"الدين" علاقة (حب) راسية بين العبد و ربه
جعلناها علاقة (كره) أفقية بين المواطن و أخيه !

عم جلال عامر

May 10 at 11:15am via Mobile Web · · ·
اللي بين قوسين (اضافة مني) علشان امانة النقل بس

مبروك لمصر .... د.معتز عبد الفتاح ... مستشارا سياسيا لدكتور عصام شرف

الله أكبر :))))))

May 14 at 11:28am via Mobile Web · · ·

أنا ... إنسان . حر . مصري

أُدعم "وثيقة" الإعلان المصري ... للعدل و الحرية و الإنسانية

May 20 at 10:18pm · · · · Share

http://alshaabyoreed.com/agreement.aspx

بالنسبة لفكرة "الدهان" المستفز!
لأي شئ لمجرد انه موجود في الشارع و السلام ...

أحب اقترح حملة "ياللا نليط مصر" !!

May 22 at 10:50am via Mobile Web · · ·

من يعتقد ان أمريكا أم للعالم قد تخطى غباء من يعتقد ان مبارك اب للمصريين!

May 22 at 6:02pm via Mobile Web · · ·

أحوال البلد هتتعدل يوم ما هنختلف في الطريقة ... و نتفق على الطريق

May 22 at 8:05pm · · ·

أقتل بداخلك "رغبة الإبداع" ... لكي تتناسب مع "وظيفة" لا تحتاج أكثر من "حمار بكرافته" !!

تباً لعصر البرسيم ...!

May 23 at 12:39pm via Mobile Web · · ·

لو "بتعمل ما تحب" .. يبقى دا اسمه "شغل"
لكن لو بتتنطط علشان "تحب ما تعمل" .. يبقى دا اسمه "إشتغاله"

May 24 at 10:08am via Mobile Web · · ·

لو مفهوم "الوظيفة" قبل الثورة فضل هو هو مفهوم "الوظيفة" بعد الثورة .....

دا معناه ان أكبر مشروع قومي للبلد هيبقى "تصدير كروت الشحن" !

May 24 at 5:52pm via Mobile Web · · ·

من ينتظر ان "الإبداع" يخرج (تلقائيا) من المبدع لمجرد انه مبدع
.
كمن ينتظر ان "العصير" يخرج (تلقائيا) من البرتقالة لمجرد أنها برتقالة

"إفعص نفسك في حاجه بس و متأنتخش ع الكنبه" !

May 25 at 9:30am via Mobile Web · · ·

إذا سلكت طريقا مزدحما نحو "حلمك" ..... فاعلم انك ستصل متأخرا ...

May 26 at 11:03am via Mobile Web · · ·

بعد بيان الجيش امبارح ... و بعد اعلان انسحابه المطمئن من الميدان

و بعد ما الروح الغالبه علي اللي هينزلوا .... ان كلنا واحد ... و ناخد بالنا من اللي عايز يوقعوا بينا ...
و يسببوا هرج و مرج علشان كام صحفي تعبان على كام مذيع مغمور يطلع يعملولهم كام خبر رخيص .... ان اللي في التحرير دول غجر و كسروا و دمروا و بيسبوا و بيلعنوا في الجيش !!!

بعد تقليل حدة التصعيد المبالغ فيه و المطالب المش واقعية و مش وقتها خالص زي "محاكمة المشير .. و المجلس الرئاسي و ....... "!!

بعد ما الغلبيه هتفكس لكلام واحد زي "عمرو حمزاوي" نازل علشان يأجل الانتخابات
وللا واحد زي "شادي الغزال حرب" نازل علشان دستور قبل الانتخابات

باعتبار ان "في الاستفتاء" 20 مليون راس نزلوا من بيوتهم لاول مره في التاريخ علشان يدوقوا طعم ان رأيهم ليه لازمه اخيراا ...و يجي الباشوات يرموا كلام 77% منهم في الحمام بردو .... !! و كأن الشعب دا مكتوب عليه ان رأيه يتزبل مدى الحياة حتى من مدعي الحرية و الديموقراطية و البتنجانية !

بعد ما وحشني الميدان و وحشني اسمع و اهتف "ايد واحده .. "

انا نازل الميدان علشان المطالب دي ..
و ضد اي تصعيد غبي مالاوش تلاته لازمه

بس كدا

May 27 at 7:25am · · · · Share

اللي هيقعد يوزع في التهم و ينفخ في ذاته و يرغي في افضاله على الثورة ...... بجد هيفصلني !! .. و ساعتها هعتبره "فصيييل سياسي" !

May 28 at 10:04pm · · ·

‎"الشعوب الواعيه" بتتفق رغم اختلافها ... أما "الشعوب الجاهلة" فبرغم اتفاقها تختلف

May 29 at 3:40pm via Mobile Web · · ·

أغلب "النقاشات" بتقلب "خناقات" ... لما بيكون اتفاقنا في "الإسم" بيعمينا عن اختلافنا على "المسمى"
.
تخيل واحد بيسمي الجوافة مانجه .. و التاني بيقول مانجه على الاناناس..!
دا ممكن يخلي "نقاش" بسيط عن المانجه يتحول الى "فتنة فواكه" كبرى !
.
.
حد يكلمني بقى عن رأيه في "العلمانية" و "الثيوقراطية" و الليبرالية" و "الشيوعية" و "الاسلامية" و "المدنية" و "السلفية" و "الديموقراطية" و "العسكرية" و "الاخوانية" و "الدستور" ....!

4 hours ago · · ·