تعليقا على الخبر ده
الشريف يتقدم ببلاغ إلي اللجنة العليا للانتخابات بشأن مخالفات بعض المرشحين
ثلاثة من مرشحي الوطني يتقدمون بشكاوي حول مخالفة قواعد الدعاية الانتخابية
ثلاثة من مرشحي الوطني يتقدمون بشكاوي حول مخالفة قواعد الدعاية الانتخابية
آآآآآآآآآآآآآآآآآآآآآآآآآآه يا نافوخي يانا
عسل و الله انكل صفوت ده و دمة شربات ...
ربنا يخليه لمصر .. و يحمية لشبابه و يبارك فى طقم سنانه و فى قيادته الباسلة التى تحفظ مصر من شر هذه الطائفة المدسوسة على الشعب المصرى و الافرواسيوي ..
ربنا يحفظك يا مبارك انت و ولدك و حفيدك و سدد خطا جهاز امنك قادر با كريم ..
مفيش طريقة انسب من اللى انكل صفوت عملها هو و القطاقيط الحلوين اللى قدموا البلاغات _ قطاقيط مغمضة .. ملايكة بجناحات ماشيه على الارض ... كلهم راحوا يقدموا البلاغات بنفسهم رغم انه كان ممكن اللى صورلهم الورق فى مقر الحزب يروح هو وخلاص _... فى الحقيقة انا بتعلم من الحزب الوطني كل يوم حاجة جديدة .... و المرادي انا بتعلم منه الايجابية ....ااايييوووه ..الايجابية .. يعني كانوا ممكن يشوفوا الشعار اللي هيقضى على مستقبل مصر و ماضيها و يتسبب فى تصدع قفا ابو الهول و فى خروج مصر من تصفيات كأس العالم 2010 فى جنوب افريقيا بيتعلق قدامهم و يسكوتوا و يقولوا احنا مالنا ..خليك فريش احنا فى انتخابات .. هو احنا فاضيين كفاية اللى ورانا .. ده اللى وراه عيل ولا اتنين بيبقى لايص . مابالك باللى وراه سبعين مليون ... لكن ... لا .... لا .. و الف لا .. ليست هذه اخلاق الحزب الوطني الدمياطي ... ااااصدى الديموقراطي .... كله يهون غير اننا نشوف حاجه تفرق بين فصافيص الشعب المصري
و لا لنشر روح الكراهية و البغض والبعبع ابو رجل مسلوخة بين افراد الشعب .... لا لأى عقبة تقف حائلا بين البلاد و بين القيادة و العبور للمستنقع .. لا لتعطيل مسيرة التقدم اللى هتودينا ورا الشمس و اللى نفسى اعرف هما يقصدوا ايه بالتقدم ده ... لا لتحويل مصر لأى شىء غير هذه الجنة التي نحيا فيها ..............................لكل هذا ..
لا للإخوان ....
و لا للإسلام ..
و لا لهو ..
و لا للحل
8 comments:
عايز ابلغ عن مخالفة
بعض المرشحين عندنا استخدموا
يفط الشوراع اللي فوق الطرق للدعاية
مش ده مخالفة مرورية
تحياتي لموضوعك الرائع تحياتي وارجو التواصل
ده شئ عادي
ناس تقتل القتيل وتمشي في جنازته
مَـرّةً، فَكّـرتُ في نشْرِ مَقالْ
عَـن مآسي الإحتِـلالْ
عَـنْ دِفـاعِ الحَجَـرِ الأعـزَلِ
عَـن مدفَـعِ أربابٍ النّضـالْ !
وَعَـنِ الطّفْـلِ الّذي يُحـرَقُ في الثّـورةِ
كي يَغْـرقَ في الثّروةِ أشباهُ الرِّجالْ !
**
قَلّبَ المَسؤولُ أوراقـي، وَقالْ :
إجتَنِـبْ أيَّ عِباراتٍ تُثيرُ الإنفِعـالْ .
مَثَـلاً :
خَفّـفْ ( مآسـي )
لِـمَ لا تَكتُبَ ( ماسـي ) ؟
أو ( مُواسـي )
أو ( أماسـي )
شَكْلُهـا الحاضِـرُ إحراجٌ لأصحابِ الكراسي !
إحـذِفِ ( الأعـْزَلَ ) ..
فالأعْـزلُ تحريضٌ على عَـْزلِ السّلاطينِ
وَتَعريضٌ بخَـطِّ الإنعِـزالْ !
إحـذِفِ ( المـدْ فَـعَ ) ..
كي تَدْفَـعَ عنكَ الإعتِقالْ .
نحْـنُ في مرحَلَـةِ السّلـمِ
وَقـدْ حُـرِّمَ في السِّلمِ القِتالْ
إحـذِفِ ( الأربـابَ )
لا ربَّ سِـوى اللهِ العَظيمِ المُتَعـالْ !
إحـذِفِ ( الطّفْـلَ ) ..
فلا يَحسُـنُ خَلْطُ الجِـدِّ في لُعْبِ العِيالْ !
إحـذِفِ ( الثّـورَةَ )
فالأوطـانُ في أفضَـلِ حالْ !
إحـذِفِ ( الثّرْوَةَ ) و ( الأشبـاهَ )
ما كُلُّ الذي يُعرفَ، يا هذا، يُقـالْ !
قُلتُ : إنّـي لستُ إبليسَ
وأنتُمْ لا يُجاريكُـمْ سِـوى إبليس
في هذا المجـالْ .
قالّ لي : كانَ هُنـا ..
لكنّـهُ لم يَتَأقلَـمْ
فاستَقَـالْ !
عم أحمد مطر
تحياتي
شكلي مش انا بس اللي بتبع سياية القلم الساخر...البوست جامد و خفيف الدم جدا...و سلامة نافوخك انت قلتها"خليك فريش احنا في انتخابات"...
البوستت اللي قبليه عجبني جدا و الله ينفع تاج زغنون بدل التاجات الطويلة..على العموم خلي بالك عشان التلفزيون بتاعك ميقلبش مارشات عسكرية و قرآن!!
:-)
ربنا يهدي الجميع ان شاء الله
الصراحة العبور للمستنقع دى اجمد حاجة ،المهم أن الوقاحة لا حدود لها للأسف لكن فعلا والله مالناش غير كلمة"ذل قوم ليس بينهم سفيه" يرد على العالم الوقحة دى .
ما علينا
عصفور المدينة
دى مخالفة اخلاقية ..
تحياتى لك يا جميل ..
:-)
سندباد .
اشكرك... و تان شاء الله هناك تواصل ..
الشارد .
كم هى جميلة تلك الابيات ..
نقطة ميه ..
ان كنت حاولت فانا تلميذ عندك يا استاذة نقطة ميه ..
ادهم ..
آمين
الاخت سناء
صدقتي ..و باين انك على اخرك .. :-)
للجميع خالص تحياتي و تقديري لمروركم الطيب
اولا اسمه يافوخ وليس نافوخ
ثانيا ايه يابني ده
من امتي ايها البحر الهائج خلف قناع من الصمت الهاديء
بجد كل مرة بكتشف فيك حاجات جديده
حلو قوي تحليلك
واسلوبك الساخر
وشد حيلك
وعبر صحابك
متبقاش زي ناس
Post a Comment